தீபாவளி
வெடிகுண்டுகள் ...
ராக்கெட்டுகள் ...புல்லெட் வெடிகள் ...
மனிதர் எரிக்கும் வெடிகள்.
அழகான வண்ணமயமான
தீக்கங்குகளின் தூறல்கள்.
சிதறும் ஒளித் தூள்கள்
தொடரும் ஒலிகளின் நடனம்.
குழந்தைகள், பெரியவர்
மனதில் மத்தாப்பு.
உற்சாகக் கூச்சல்கள்.
இன்னும் வேண்டுமென்ற
எதிர்பார்ப்புகள்.
வெடிகுண்டுகள் ...
ராக்கெட்டுகள் ...
புல்லெட்டுகள் ...மனிதரை எரிக்கும் வெடிகள்.
யுத்த பூமிகளில் வெடிக்கையில்...
அச்சுறுத்தும் தீப்பிழம்புகள்.
நெஞ்சை நிறுத்தும் பேரொலிகள்.
அந்தத் தீக்கட்டிகளும்,
பெருத்த ஓசைகளும்...
குழந்தைகள், பெரியவர்
மனதில் உயிர்பயம்..
மரண ஓலங்கள்.
இன்றோடு முடியட்டுமென்ற
ஏக்கங்கள்.
உலகில் போர்கள் ஒழியட்டும்
தீபாவளி பரவட்டும்.
No comments:
Post a Comment