கம்ப்யூட்டர் சேல்ஸ் ரெப் ஒரு கிராமத்திற்குப் போகிறார்

ஒரு கம்ப்யூட்டர் சேல்ஸ் ரெப் ஒரு கிராமத்திற்குப் போகிறார் விற்பனைக்கு. வாங்குபவர் ஒரு ஜாக்கிரதையான கரார் மனிதர்.

கம்ப்யூட்டர் வாங்கும்போது நடந்த உரையாடல்!

கம்ப்யூட்டர் வாங்குபவர்: இந்தப் பொட்டி கிட்டி எல்லாம் நல்லா விரிச்சுக் காமிங்க! 

சேல்ஸ் ரெப்: (விரித்துக் காட்டுகிறார்!)

வா: இது என்னாது கண்ணாடி இருக்கு ஆனா மொகம் தெரியல! 

சே: இது பேர் தான் சார் மானிட்டர் !

வா:இது என்ன சூட் கேஸ், கைல புடிக்க கைப்புடி இல்லாம இருக்கு. தூக்க செரமமா இருக்கும்ல!

சே: இது சி பி யு பாக்ஸ் சார்!

வா: அது சரி! ஏன் நான் கேக்காம டைப் ரைட்டர் கொண்டு வந்தீங்க. எடுத்துட்டு போங்க 

சே: சார் இது தான் கீ போர்டு.

வா: அப்ப சரி இருக்கட்டும். பிள்ளைங்களுக்கு எ பி சி டி, ஒன்னு ரெண்டு சொல்லித்தர பயன் படுத்திக்கலாம்!

இங்க ஏன் சூட் கேஸ்ல நீளமா ஓட்ட இருக்கு!

சே: அது சி டி போடறது சார்!

வா: இங்க சொருகினா, எங்க படம் தெரியும், எங்க சத்தம் வரும்.

சே: விவரிக்கிறார்..

வா: எல்லாத்தையும் கலட்டி காமிங்க!

சே: பாக்ஸ் ஓபன் பண்ணி மதர் போர்டை காட்டுகிறார்

வா: இதென்ன கருப்பா, நீள, நீளமா இருக்கு!

சே: சார் இது தான் மெமரி சிப்ஸ்

வா: இது எதுக்கு எனக்கு. எனக்கு மெமரி ரொம்ப இருக்கு. மத்தது இருக்கட்டும் இது வேண்டவே வேண்டாம்!              

சே: சார் இது என்னோட விசிடிங் கார்டு. நான் வேலைய விட்டுப் போயிட்டதா எங்க கம்பனிக்கு போன் பண்ணி சொல்லீருங்க!